يـــــا شــــــاطــــــي .. الــــــراحـــــــــة
تضيق انفوسنا .. ووْجيهنا ما هيب فضّاحة
لها ( بابٍ ) يعَزْل ارواحنا .. عن روح كلمتنا
مآثرنا ومجد اجدودنا .. قفله !! ومفتاحه !!
خلِق فينا .. لترديد السوالف وابتسامتنا!!
نعيم .. وخير .. وقلوبٍ صْحاح .. وناس مدّاحه
تعوّدنا .. يمرّ الكذب قبل تْمرّ لقمتنا!!
ولا جينا نحمّلْك التعب .. ياشاطي الراحة ..
يكفينا على طول الدروب ايديك ضمّتنا
تجمّعنا .. و لا نجهل وش اللي دار فالساحة
عرب .. لو ما نقوم بدورنا .. يازين لـمّـتنا!!
أخذناها تبادل راي .. واستجمام .. وسياحه
كأنّا .. نستعيد بذاكرتنا حال قمّتنا!!!
وانا واحد يشيل الهمّ .. قبل ايشيل مسباحه
كبرت .. وجيت اكبّر في عيون عْداي قيمتنا
تقدّمت .. وْهمومي من دروب البال منزاحه
واقول ( اليوم .. ما به شي يستاهل شتيمتنا )
من التاريخ .. بـ ادوّر ( حكاية مجد ) سوّاحه
تطوف اجيالنا .. لاجيالنا وتْعيد نومتنا!!
(( ترى حنّا تقلّدنا وسام الطيب ووشاحه
يوم انّ السيف يعرف بالشهامة .. من شهامتنا
يوم الدين الحنيف ايشعّ فـ ارض الخير مصباحه
يزيل الظلم عن هاماتنا .. وايزيل ظلمتنا
يعجّ الكون .. من فكر العرب .. بـ اطياب فوّاحه
على متنه .. بقايا العلم .. لازالت علامتنا!!
ملكنا الأرض .. لين الأرض .. صارت فالنظر واحه ..
موضوع: يـــــا شــــــاطــــــي .. الــــــراحـــــــــة 
الأربعاء مارس 26, 2008 8:09 am
